चितवन : करिब एक दशक पछि अभिनेत्री ऋचा घिमिरे आफ्नो नयाँ चलचित्र तेल भिसा मार्फत दर्शकमाझ आउँदैछिन् । उनी यो चलचित्रको रिलिजका लागि दुई साता यताबाट नेपालमा छिन् । यो चलचित्र ७ मँसिरबाट नेपालमा रिलिज हुँदैछ । नेपाल रिलिजको लगत्तै यो चलचित्र विभिन्न देशमा प्रदर्शन हुने पनि उनले बताएकी छिन् ।
एक दशकपछि हालै यी अभिनेत्रीले चलचित्र भुठानमा अभिनय गरेकी थिईन् । विनोद पौडेल निर्देशित भुठानको अहिले पोष्ट प्रोडक्सनका काम हुँदैछ । त्यसपछि ऋचाले लगत्तै चलचित्र तेल भिसामा अभिनय गरेकी हुन् । यसरी उनले यतिबेला दुई वटा चलचित्रमा अभिनय गरेता पनि ऋचाको सुरुमा चलचित्र तेल भिसा रिलिज हुने भएको छ ।
अभिनेत्री ऋचा घिमिरेले एक दशक अघि चलचित्र तुलसीमा अभिनय गरेकी थिईन् । तर यो चलचित्र रिलिज नहुँदै उनी आफ्नो अर्को चलचित्र ब्रेक फेल प्रदर्शनको सिलसिलामा क्यानडा पुगिन् । आफ्ना श्रीमान तथा निर्देशक शँकर घिमिरेसँग क्यानडाबाट अमेरिका पुगेकी उनी शँकरसँगै अमेरिकामै बसिन् । पछि उनीहरुले चलचित्र तुलसीलाई उतैबाट युट्युव मार्फत रिलिज गरे । अमेरिका बसाईकै क्रममा तीन सन्तानकी आमासमेत भएपछि उनी यतिबेला बल्ल यो चलचित्रमार्फत एक दशकपछि दर्शकमाझ आउँदैछिन् ।
ऋचा यो चलचित्रको निर्माता पनि हुन् । चलचित्रमा अभिनेत्री र निर्माताको दोहोरो जिम्मेवारी निकै कठिन भएको ऋचाको कथन छ । यो चलचित्रमा विपिन कार्की, वर्षा राउत, पुजा चन्द, बुद्धी तामाङसहितको मुख्य कलाकारसँग ऋचाले पनि काम गरेकी छिन् । यसमा विपिन कार्कीले वाउ र छोरा गरेर दोहोरो भूमिका निर्वाह गरेका छन् । ऋचाले भने यसमा अपराध मुद्धामा वकालत गर्ने वकिलको भूमिका निर्वाह गरेकी छिन् । यो भूमिकाको लागि आफुले निकै तयारी गर्नु परेको पनि ऋचाले बताएकी छिन् ।
सोमबार काठमाडौंमा सञ्चारकर्मीसँग कुरागर्ने क्रममा ऋचाले आफुहरु केही समयका चलचित्र क्षेत्रबाट अलग रहे पनि फेरी अभियन र निर्माणमार्फत आफ्नै कर्ममा फर्किएको बताएकी छिन् । चलचित्र तेल भिसा एउटा पारिवारिक चलचित्र बनेको ऋचाको कथन छ । चलचित्रले दर्शकलाई विदेशमा रहेका नेपालीहरुको सँघर्षको कथा देखि आफ्ना सन्तान भेट्न विदेश पुगेका नेपाली वुवा आमाले त्यहाँको कानुन पालना गर्न नजान्दा भोग्नु परेका कानुनी समास्याबारे जानकारी गराउने पनि ऋचाको कथन छ । आफु र निर्देशक श्रीमान शँकर घिमिरेले एक दशकपछि दर्शकहरुका लागि फेरी फरक शैलीको चलचित्र ल्याएको यी अभिनेत्रीले जिकिर गरेकी छिन् ।
