२०१८ मा एम.बि.बि.एस को अध्ययन पछि २०२१ मा एम.बि.ए हेल्थ केयर म्यानेजमेन्ट एन्ड हस्पिटल एड्मिनिस्ट्रेसन विषयमा स्नाकोत्तर गरेका डाक्टर विज्ञान पौडेलले भरतपुर हाकिमचोकमा मेड इन नेपाल क्यालिबर ब्रान्ड जुत्ताको आधिकारिक बिक्री आउट्लेट सञ्चालनमा ल्याएका छन्। चिकित्सा क्षेत्र अध्ययन गरेका डाक्टर आफुमा इच्छाशक्ति एबम सकारात्मक सोच बनाउन सकिएमा फरक क्षेत्रमा पनि केही गर्न सकिन्छ भन्ने कुरामा पनि बिश्वास राख्दछन। देश भित्र कयौं सम्भावनाहरु छन् त्यसलाई चिन्न सक्नुपर्छ भन्दै उधमशिलतावाट नै देशको समृद्धि हुने उनी बताउछन।राज्यले युवाहरुलाई देश भित्र रहि कार्य गर्न सक्ने वातावरणको सिर्जना गर्न आवश्यक नीति ल्याउनुपर्ने र यसमा ढिला गर्न नहुने उनी बताउछन् ।
क्यालिबर जुत्ता नेपालमा उत्पादन हुने जुत्ताहरु मध्ये छुट्टै पहिचान बनाइरहेको जुत्तामा पर्दछ।युवा वर्गहरुले पनि क्यालिवर व्रान्डलाई अत्यधिक रुचाएको पाइएको छ भने कार्यलयहरुमा कार्यरत कर्मचारीहरु बीचमा पनि यो जुत्ता निकै नै लोकप्रिय रहेको पाइन्छ।
हाल काठमाडौँ गल्फुटारमा उत्पादन भइरहेको जुत्ता नेपालभरि ६० वटा भन्दा बढी आधिकारिक आउट्लेट बाट बिक्री वितरण हुदै आइरहेको छ।।
आफ्नो पेशा सँगसँगै फरक क्षेत्रमा हात हालेका डाक्टर पौडेल उत्साहित हुँदै युवाले आफ्नो देश भित्र रहेर विभिन्न कार्यहरु गर्न सकिने बताउँछन।युवा वर्गले व्यापक रुपमा रुचाएको जुत्ता,व्यायाम तथा खेलकुदमा,कार्यलय जांदा साथै घुमफिर गर्न जानलाई समेत सजिलो एबम उपयोगी रहेको बताउँछन् । क्यालिवर ब्रान्ड भरतपुरमा भित्र्याउन पाउँदा उनले खुसी व्यक्त गरेका छन् ।
डाक्टर पौडेल भरतपुर सरकारी अस्पतालमा अस्पताल व्यवस्थापकको रूपमा कार्यरत रहनुका साथै अन्य स्वास्थ्य संस्था हरुमा समेत हेल्थकेयर कन्सल्टेन्टको रुपमा कार्य गर्दै आइरहेका छन।
