सह–आयोजक न्युजिल्यान्डले फिफा महिला विश्वकप–२०२३ मा विजयी सुरुवात गरेको छ। न्युजिल्यान्डले विश्वकप इतिहासमै पहिलो जित निकाल्ने क्रममा नर्वेलाई १–० ले पराजित गर्दै एतिहासिक प्रदर्शन गरेको हो।

हना विल्किन्सन

अक्ल्यान्डमा भएको उद्घाटन खेलमा न्युजिल्यान्डका लागि सम्झनलायक रात बनेको खेलमा ४२ हजार १३७ घरेलु दर्शकमाझ इडेन पार्कमा हना विल्किन्सनले ज्याकी ह्यान्ड्सको क्रसलाई आकर्षक गोलमा परिणत गरिन्। ४८ औँ मिनेटमा गरेको उक्त गोल नै न्युजिल्यान्डलाई जितका लागि निर्णायक बन्यो।

८९ औँ मिनेटमा घरेलु टोलीले अग्रताको मौका चुकायो। नर्वेकी टुभा हनसेनले ह्यान्ड गरेपछि पाएको पेनाल्टीलाई इभेन रियाले गोल गर्न चुके पनि न्युजिल्यान्डको खुसीको क्षण कम गर्न सकेन।

अघिल्ला १५ विश्वकपमा कुनै पनि खेल जित्न नसकेको न्युजिल्यान्डलाई समर्थन गर्न उसका हजारौं समर्थक मैदान पुगेका थिए। ४८ औँ मिनेटको अग्रतासँगै दर्शक खुसीमा झुमेका थिए। १९९५ को विश्व च्याम्पियन नर्वेले न्युजिल्यान्डको गोललगतै बराबरीको मौका गुमायो। आर्सनलकी फ्रिडा मनुमले उत्कृष्ट अवसर खेर फालिन्।