हंस बहुउद्देश्यीय सहकारी संस्था लिमिटेडको २० औं वार्षिक साधारण सभा अन्तर्गत जीतपुर सेवाकेन्द्रका सेयर सदस्यहरुको सभा सभ्य तथा भव्य रूपमा सुसम्पन्न भएको छ ।
भरतपुर महानगरपालिका वडा नं. २८ का वडा अध्यक्ष डण्डपाणि रिजालको प्रमुख आतिथ्य तथा संस्थाका अध्यक्ष दिनेशकुमार चुकेको अध्यक्षतामा आइतबार भरतपुर-२८, जीतपुर, मेघौली स्थित संस्थाको आफ्नै सभाहलमा साधारणसभा सम्पन्न भएको हो ।
संस्थाका उपाध्यक्ष बाबुराम अधिकारीले स्वागत मन्तब्य राख्नु भएको थियो भने संस्थाका सचिव शारदा शर्मा पौडेलले कार्यक्रम संचालन गर्नुभएको थियो । साधारणसभामा गोलाघाट पर्यटन विकास समिति, चितवनका अध्यक्ष विशाल कुमाल, जीतपुर बजार व्यवस्थापन समितिका अध्यक्ष सन्दिप गदाल, होटल व्यवसायी संघ, मेघौली इकाइका अध्यक्ष सन्देश चापागाई, समाजसेवी जयमंगल कुमाल लगायतका व्यक्तित्वहरूले शुभकामना मन्तव्य राख्नु भएको थियो ।
संस्थाका लेखा तथा सुपरिवेक्षण समितिका संयोजक गोबिन्द प्रसाद पौडेलले लेखा सुपरिवेक्षण समितिको प्रतिवेदन, सचिव शारदा शर्मा पौडेलले आ.व. २०७९/०८० को प्रगति प्रतिवेदन र आ.व. २०८०/०८१ को नीति तथा कार्यक्रम एवं संस्थाका अध्यक्ष दिनेशकुमार चुकेले वित्तीय प्रतिवेदन प्रस्तुत गर्नु भएको थियो । सो अवसरमा उत्कृष्ट बचत कारोवार तर्फ २ जना तथा ऋण कारोवार तर्फ २ जना सदस्यलाई प्रसंशा पत्र सहित सम्मान गरिएको थियो । साधारणसभामा सदस्यहरुले राख्नु भएको जिज्ञासा माथि संस्थाका प्रबन्धक नारायणप्रसाद सापकोटाले प्रकाश पार्नु भएको थियो ।
