नेपाल विद्यार्थी संघ चितवनको कार्यबाहक अध्यक्षमा राजन दाहाललाई जिम्मेवारी दिइएको छ । वर्तमान कार्यसमितिमा पहिलो उपाध्यक्ष रहेका दाहाललाई आज जिल्ला अध्यक्ष सूर्य ढकालले कार्यबाहक अध्यक्षको जिम्मेवारी दिनुभएको हो ।
अस्ति भएको कांग्रेस चितवनको अधिवेशनमा सचिव पदका उम्मेद्वार दिएका ढकालले आज विज्ञप्ति जारि गर्दै जिम्मेवारी दिनुभएको हो । कार्यबाहक अध्यक्ष दाहाल भरतपुर–९ शरदपुरका हुनुहुन्छ । स्कुलेजीवनमा नेविसंघको जनकल्याण मावि इकाई अध्यक्ष, नेविसंघको ९ वर्ष क्षेत्रीय सभापति भएर काम गरिसक्नुभएको छ । कांग्रेस पार्टीले कार्यकाल सकिएको भन्दै केन्द्रमा फागुन पहिलो साता ९ भातृसंगठन विघटन गरिदिएको थियो । तर, जिल्ला तहका संगठनहरु विघटन भएका छैनन् ।
