चितवन, फाल्गुन २६ || पछिल्लो समय तिब्र बजार बिस्तारमा लागेको खल्ती डिजिटल वालेटले स्क्यानमा स्कूटर अफर ल्याएको छ । फोनपे क्यूआर स्क्यानमा टीभीएस एन्टोर्क, वान प्लस नर्ड र ५ हजार रुपैयाँसम्म जित्ने योजना ल्याएको सो कम्पनीले जानकारी दिएको छ । फोनपे क्यूआरमा भुक्तानी गर्ने खल्ती प्रयोगकर्ता मात्र नभइ खल्तीमार्फत क्यूआरमा भुक्तानी प्राप्त गर्ने फोनपे मर्चेन्ट पनि बिजेता हुने कम्पनीले जनाएको छ । यस अभियानमा खल्तीबाट फोनपे क्यूआरमा भुक्तानी गर्ने एक प्रयोगकर्ता र भुक्तानी प्राप्त गर्ने एक फोनपे मर्चेन्टले बम्पर उपहार टीभीएस एन्टोर्क स्कूटर प्राप्त गर्ने भएका हुन् ।
त्यसैगरी, हरेक हप्ता दुई प्रयोगकर्ताले वान प्लस नर्ड स्मार्टफोन एन १०० पुरस्कार र दैनिक ५ हजार रुपैयाँ नगद पुरस्कार प्राप्त गर्ने कम्पनीले जनाएको छ । यो अफर फागुन २६ देखि आगामी वैशाख १० गतेसम्म लागू रहनेछ ।प्रयोगकर्ताहरूलाई क्यूआर सहज भुक्तानी सुविधा प्रदान गर्ने उद्देश्यले यो योजना ल्याएको खल्तीका प्रमुख कार्यकारी अधिकृत (सीईओ) विनय खड्काले बताए ।
