चितवन,चैत्र ५ |भरतपुर महानगरपालिका को वडा नम्बर  २१ मा  राष्ट्रिय प्रजातन्त्र पार्टी (राप्रपा) को  पार्टी कार्यालय स्थापना भएको छ । भरतपुर महानगरको सबै वडामा पार्टी कार्यालय स्थापना गर्ने उदेश्य अनुरुप आज (शनिवार) भरतपुर २१ मा पार्टी कार्यालय स्थापना गरिएको हो ।

पार्टी कार्यालयको राप्रपा सहमहामन्त्री तथा बागमती प्रदेश सांसद रिना गुरुङले उद्घाटन गर्नुभयो । सो अवसरमा बोल्दै उहाँले भरतपुरमा पार्टीको कार्यायल स्थापना र संगठन विस्तारलाई निरन्तरता दिएको बताउनुभयो । उहाँले चितवनमा राप्रपा बलियो शक्तिको रुपमा स्थापित हुँदै गएको भन्दै स्थानीय तहको निर्वाचनमा पार्टीले महत्वपूर्ण जित हाँसिल गर्ने बताउनुभयो ।

यस्तै आजै भरतपुर महानगरपालिका १३ र ५ का ५५ जना राप्रपा प्रवेश गरेका छन् । उनिहरु एमाले,काँग्रेस र माओवादी केन्द्र त्यागेर राप्रपा प्रवेश गरेको भरतपुर महानगर सचिव सुलभ सिग्देलले जानकारी दिनुभयो । सो अवसरमा प्रदेश सदस्य ज्ञानुजंग लामा, केन्द्रिय सदस्य मिना न्यौपाने,महानगरपालिका अध्यक्ष दिपक थापा लगायतको उपस्थिति रहेको थियो ।