अनलाइन शिक्षा प्लेटफर्म माई सेकेन्ड टिचरका सहसंस्थापक सुलभ बुढाथोकीले निजी क्षेत्रलाई गाली गरेर मात्र सार्वजनिक र निजी क्षेत्रले दिने शिक्षाबीचको खाडल अन्त्य नहुने बताएका छन् । हिजो सोमबार कान्तिपुर मिडिया ग्रुपले आयोजना गरेको कान्तिपुर एजुकेसन समिटमा बुढाथोकीले निजी र सरकारी दुवैले राम्रो काम गर्न सक्ने भएकाले गाली गरेर अवस्था नसुध्रिने बताएका हुन् ।

‘निजी क्षेत्रमा राम्रो र नराम्रो गर्ने दुवै छन्, त्यसैले निजी क्षेत्रलाई एउटै टोकरीमा राखेर नदाँज्नु होला,’ उनले भने, ‘राम्रो गर्ने निजी क्षेत्रलाई थपथपाउनु पनि पर्छ ।’

नेपालमै ‘साइबर सुरक्षा’ विषयको अध्ययन गराई अहिले धेरै बैंकहरुको सुरक्षा भैरव टेक्नोलोजीले गरिरहेको उनले दाबी गरे । निजी क्षेत्र लुट्नै आएको नजरले हेर्ने गरेको पनि उनले गुनासो गरे ।

समाचार श्रोत : कान्तिपुर दैनिक