नेपाली कांग्रेस चितवनका प्रतिनिधिहरु जिल्ला सभापति अध्यक्ष राजेश्वर खनालको नेतृत्वमा भरतपुर महानगरको मेयरमा कांग्रेसकै उम्मेदवार हुनुपर्ने अडान राख्दै काठमाडौँमा उच्चस्तरीय भेटघाटलाई निरन्तरता दिँदै दवाब दिईराख्नु भएको छ।
महामन्त्री गगन थापासंग चितवन कांग्रेसका प्रतिनिधिहरु
अध्यक्ष खनालको नेतृत्वमा गएको प्रतिनिधिमण्डलमा पूर्वसभापति टेकप्रसाद गुरुङ, दिनेश कोइराला, कांग्रेस चितवनका निवर्तमान सभापति जितनारायण श्रेष्ठ, पूर्वसांसद जगन्नाथ पौडेल, निवर्तमान जिल्ला कमिटी सचिव उत्तम जोशी लगायत अन्य सदस्यहरु पनि रहेका छन् । सत्तागठबन्धन दलहरुले आसन्न स्थानीय तहको निर्वाचनमा तालमेल गरेर अघि बढ्ने निर्णय गरेसँगै नेपाली कांग्रेस चितवनले भरतपुरको मेयर आफूले पाउनु पर्ने अडानलाई केन्द्रसम्म पुर्याएको हो ।
वरिष्ठ नेता रामचन्द्र पौडेलसंग चितवन कांग्रेसका प्रतिनिधिहरु
प्रतिनिधि मण्डललले आज कांग्रेसका वरिष्ठ नेता एवम् सत्तारुढ गठबन्धनले निर्माण गरेको स्थानीय तह चुनाव केन्द्रित तयारी तथा अनुगमन समितिका संयोजक रामचन्द्र पौडेललाई कांग्रेस चितवनले गरेको निर्णय बुझाएको छ । भेटघाटको क्रममा कांग्रेस उपसभापति पूर्णबहादुर खड्का र धनराज गुरुङ, महामन्त्री गगन थापा, पूर्वमहामन्त्री कृष्णप्रसाद सिटौंलालगायतका सबै नेताहरुले सकारात्मक आश्वाशन दिएको पनि प्रतिनिधि मण्डलका नेताहरुले चित्रवन खबरलाई बताएका हुन् ।
उपसभापति पूर्णबहादुर खड्कासंग चितवन कांग्रेसका प्रतिनिधिहरु
अब भोलि नेपाली कांग्रेसका सभापति एवम् प्रधानमन्त्री शेरबहादुर देउवालाई भेटेर ध्यानाकर्षण गराउने कार्यक्रम रहेको जानकारी दिए ।
