भरतपुर । आगामी वैशाख ३० गते हुने स्थानीय तहको निर्वाचनका लागि नेपाली कांग्रेस भरतपुर महानगरपालिकाबाट महानगरको मेयर र उपमेयर पदका लागि कांग्रेसका आकांक्षीहरुबीच मनोनयन दर्ता सुरू भएको छ ।
मेयर पदमा मनोनयन दर्ता गराउनेमा भरत अधिकारी, शंकर कँडेल, चित्रसेन अधिकारी, उत्तम जोशी, दिनेश कोइराला, पार्वती शाह, विजयराज भुसाल, जगन्नाथ पौडेल, तारानाथ पौडेल र रामप्रसाद अधिकारी रहेका छन् ।
यस्तै, उपमेयर पदमा तारा गुरुङ, बुद्धिकान्त न्यौपाने, कल्पना पौडेल, लक्ष्मी लामिछाने, देवेन्द्रबहादुर गुरुङ र नीरु कार्कीले मनोनयन दर्ता गराएका महानगर कांग्रेसले जनाएको छ ।
आइतबार बिहान ११ बजेदेखि मनोनयन दर्ता सुरू भएसँगै मेयर र उपमेयरका लागि आकांक्षीहरु बढ्दै गएको महानगर सचिव प्रनिशा गुरुङले जानकारी दिइन् ।
