चितवनको भरतपुर आयोजित प्रतिष्ठित पेशाकर्मी एवं बुद्धिजीविहरुको संयुक्त भेलालाई सम्बोधन गर्दै आइतबार अपरान्ह दाहालले त्यस्तो अनुरोध गरेकी हुन् । भरतपुर महानगरकी निवर्तमान प्रमुख एवं गठबन्धनबाट भरतपुरको साझा मेयर उम्मेद्वार रहेकी दाहालले संविधान र लोकतन्त्रको रक्षामा बुद्धिजीविको महत्वपूर्ण भूमिका हुने बताइन् ।

मुलुकमा समस्या आइपर्दै गर्दा विभिन्न कोणबाट देशलाई बचाउन आफुमा निहित बौद्धिकताको प्रयोग गर्दै आउनु हुने आम बुद्धिजीवि एवं पेशाकर्मीले आफुलाई पनि सच्चिन र राम्रो काम गर्न सल्लाह र सुझाव दिंदै आएको स्मरण गर्दै दाहालले आफु सधै जनताको गुनासाहरु समेटेर अगाडि बढ्ने प्रतिवद्धता व्यक्त गरिन् । उनले मुलुकलाई प्रतिगमत तर्फ जाने खतराबाट जोगाउन वर्तमान गठबन्धन भएको विषयमा आम मतदातालाई सूसुचित गर्ने अभिभारा बौद्धिक समूदायको काँधमा आएको उनको भनाई थियो ।

त्यस्तै वितेको पाँच वर्षमा थालिएका कामको पूर्णता दिनको लागि गठबन्धनको जीत सुनिश्चिता गराउन पनि बुद्धिजीविको भूमिका महत्वपूर्ण हुने दाहालले बताइन् । वर्तमान गठबन्धनको बारेमा कुरा गर्दै उनले बौद्धिक जगतबाट आ–आफ्नो क्षेत्रबाट अभियान सञ्चालन आवश्यक रहेको बताइन् । उनले भनिन,“वर्तमान गठबन्धन गणतन्त्र, संविधान र परिवर्तनका पक्षधर र गणतन्त्र, संविधान र परिवर्तन विरोधीहरुको पक्षधर गरि दुई खेमामा रहेको छ । अहिले गल्ती र कमजोरी भयो भने पछि पछुताउनुको कुनै विकल्प छैन् ।”