विनोद अधिकारी भरतपुर,वैशाख-१९  :  स्थानीय तहको निर्वाचनमा भरतपुर महानगरपालिकाको मेयर पदमा स्वतन्त्रतर्फ यमकान्त कँडेलले उमेदवारी दिएका छन् । उनले राष्ट्रवादी एकता युवा अभियान नेपालबाट स्वत्रन्त्र रुपमा उम्मेदवारी दिएको बताए । कंडेल भरतपुर महानगरपालिका १ देवघाट निवासी हुन् । निर्वाचन आयोगबाट चुनाव चिह्न लौरो पाएका कँडेलले आफ्नो चुनावी अभियान सशक्त ढङ्गबाट अगाडि बढाउने तयारीमा छन् ।

घरदैलो अभियानमा होमिएनको लागी तयारी गरिरहदाँ कँडेलले जनताको सत्ता स्थापना गर्न उम्मेदवारी दिएको बताए । कँडेलले महानगरभित्र रहेका गरिब तथा पिछडिएका वर्गहरुको जिवनस्तर उकास्न, शिक्षा स्वास्थ्यको विकास तथा जनताहरुलाई सुरक्षाको प्रत्याभुति गराउन उनले आफ्नो उमेदवारी दिएको बताए । त्यस्तै राजनीतिक दलको भ्रष्टाचार, नातावाद, कृपावाद र दमनको अन्य गर्ने उनले बताए । जनताले जनताको प्रतिधिनित्व नपाएको अवस्थामा जनाप्रतिनिको आभास दिलाउन पनि आफुले उमेदवारी दिएको कँडेल बताउँछन्।

नि शुल्क शिक्षा प्रत्येक वार्ड मा युवाको लगानि मा नमुना कृषि फर्म खोल्ने युवा को लगानीमा उधोग हरु कलकारखाना खोल्ने बिधुत लाइन लाई भुमिगत गर्ने सुन्दर, शान्त र समुन्नत महानगर विकासको लागि मेयर पदमा आफ्नो उमेदवारी रहेको बताउँदै उनले नगरको कायापलट गर्ने प्रतिबद्धता व्यक्त गरेका छन् । ६०माथिका सबैलाई स्वास्थ्य नि शुल्क गर्ने, आर्थिक नाजुक हुने लाई निशुल्क उपचार गर्ने, हरेक घरमा खाने पानि कृषको खेतमा पानी पुर्याउने, कृषक ले खेतमा उत्पादन गरेको हरेक चिज को मूल्य निर्धारण गर्ने र बजार ब्यबस्थापन गर्ने कार्यक्रमजस्ता थुप्रै प्रतिबद्धता व्यक्त गर्दै आफूलाई महानगरवासीले मतदान दिने विश्वास व्यक्त गरेका छन् ।

कंडेल पूर्व माओवादीका कार्यकर्ता समेत थिए ।