भरतपुर । शनिबार बिहान ५ः५५ बजेको समयमा नारायणगढ मुग्लिन सडक खण्डको इच्छाकामना गाउँपालिका ५ स्थित ३ नम्बर पुलमा मुग्लिनबाट नारायणगढतर्फ गइरहेको दुई ट्रक ठक्कर खाँदा चालक घाइते भएका छन् ।
ना६ख ७८०४ नम्बरको डिब्बा ट्रक र विपरीत दिशाबाट आइरहेको लु२ख ५६५४ नम्बरको ट्रक एक आपसमा ठक्कर खांदा ना ६ ख ७८०४ नम्बरको डिब्बा ट्रकको चालक झापा बुद्धशान्ति ३ बस्ने वर्ष ४० को मनोज धिमालको खुट्टामा चोट लागेर घाइते भएका छन् ।
उनको उपचारको लागि पुरानो मेडिकल कलेज भरतपुरतर्फ पठाइएको, दुवै ट्रक घटनास्थलमा नै रहेको कारण बाटो एकतर्फी सुचारु रहेको, लु२ख ५६५४ नम्बरको ट्रक चालक नियन्त्रणमा रहेको प्रहरीले जनाएको छ ।
