भरतपुरमा वृहत निःशुल्क योग प्रशिक्षण दिने भएको छ । ८ औं अन्तर्राष्ट्रिय योग दिवसको अवसर पारेर यही असार ७ गते मंगलबार योग शिविर गर्न लागेको हो । क्लबका अध्यक्ष डा. विशाल सापकोटाले योग प्रशिक्षणमा करिब २ सय बढीको सहभागिता हुने अपेक्षा गरिएको बताउनुभयो ।
भरतपुरको जागृतिचोक स्थित धावन रिक्रियशन सेन्टरमा विहान साढे ६ बजेदेखि साढे ७ बजेसम्म योग प्रशिक्षण हुनेछ । वरिष्ठ उपाध्यक्ष लक्ष्मण थापाले स्वास्थ्य क्षेत्रमा क्रियाशिल व्यक्तिहरुको अगुवाईमा स्थापना भएको चितवन आरोग्यले स्वास्थ्य क्षेत्रमा सामाजिक कामहरु गर्दै आएको बताउनुभयो ।क्लबका सचिव सुदीपराज सुवेदीले जेष्ठ नागरिकलाई हरेक महिना हाडजोर्नी तथा नसा रोगको निःशुल्क चेकजाँच कार्यक्रम गर्ने गरेको बताउनुभयो । उहाँले क्लबले स्वास्थ्य क्षेत्रमा आगामी दिनमा समेत काम गर्ने बताउनुभयो ।
