चितवन – चितवनको इच्छाकामना गाउँपालिका–५ खहरेखोलामा पहिराे गएपछि नारायणगढ–मुग्लिन सडक अवरुद्ध भएको छ । आज बिहान माथिबाट पहिरो खस्दा दुईतर्फी नै सडक बन्द भएकाे जिल्ला प्रहरी कार्यालयले जनाएकाे छ ।
अहिले पहिरो पन्छाउने काम भइरहेको जिल्ला प्रहरी कार्यालयका प्रहरी नायब निरीक्षक रविन विष्टले जानकारी दिनुभयो ।
बर्खा लागेसँगै यस ठाउँमा पटक–पटक पहिरो खसेर सडक बन्द हुँदै आएकाे छ । जसका कारण यात्रुले सास्ती बेहाेर्दै आउनुपरेकाे छ ।
