‘कांग्रेसको स्पष्ट अडान छ चितवन ३ मा तीनै वटा उमेदवार कांग्रेसको नै होस् । प्रदेशको दुवै क्षेत्रमा कुनै किसिमको सम्झैता हुदैहुदैन’ उनले भने ।

प्रतिनिधि सभादेखि प्रदेशसम्म नेपाली कांग्रेसका उमेदवारलाई यसक्षेत्रमा जित निकाल्न निकै सहज हुने दवाडीको भनाइ छ । सोही कारण नेपाली कांग्रेसले सबै क्षेत्रमा आफनो उमेदवारी दिनुपर्छ भनेर नेतृत्वलाई दबाब दिइने उनले बताए ।

चितवन ३ को ‘ख’बाट आफु स्वयम् उमेदवार बन्ने क्षेत्रीय सभापति दवाडीले बताए । उनले भने, ‘म चितवन प्रेसमार्फत मेरो दाबी ३ को खमा रहने प्रष्ट पार्छु । मैले क्षेत्रीय भेला राखेर सबै जनप्रतिनिधि र नेताहरुलाई निर्वाचनको तयारीमा जुट्न आग्रह गरिसकेको छु । म आफै उमेदवारको आंकाक्षी हो । साथीहरु पनि आंकाक्षी हुनुहुन्छ । प्रदेश तर्फको दुवै निर्वाचन क्षेत्रमा कांग्रेसले सम्झैता गर्दैन ।’

नेपाली कांग्रेसका कार्यकर्ता देखि नेता र जनप्रतिनिधि सबै चुनावलाई लिएर सकारात्मक रहेको उनी बताउँछन् । ‘क्षेत्रीय सभापति भएरमात्र नभइ आफु सक्षम र काम गर्न सक्ने व्यक्त्तीको रुपमा जनताले हेरेको, बुझेको भएर उमेदवारी दिने तयारी गरेको छु’ उनले भने ।

‘कांग्रेसको स्पष्ट अडान छ चितवन ३ मा तीनै वटा उमेदवार कांग्रेसको नै होस् । प्रदेशको दुवै क्षेत्रमा कुनै किसिमको सम्झैता हुदैहुदैन’ उनले भने । ३ को ख मा आफु कुनै हालतमा पछि नहट्ने दवाडीको भनाइ छ ।

कांग्रेसलाई एमालेको चुनौती भन्दा पनि आफुभित्रै रहेको असन्तुष्ट पक्षको मुद्दालाई सम्बोधन गर्ने चुनौती रहेको दवाडीले बताए । उनले भने, ‘कांग्रेसभित्रका असन्तुष्ट पक्षको मुद्दालाई सम्बोधन अहिले तत्कालै गर्ने हो भने निर्वाचनमा विजय पक्का हो । नेतृत्वले यसलाई सम्बोधन गर्नुपर्छ। ‘