गत आर्थिक वर्ष २०७८/७९ मा नेपालमा विदेशबाट करिब पौने दुई अर्बको बाख्रा,चरा र भेडाहरू आयात गरिएकाे छ।
भन्सार विभाग अनुसार गत आर्थिक वर्षमा विदेशबाट नेपालमा एक अर्ब ७४ करोड ३२ लाख ७९ हजार बराबरको बाख्रा,चरा र भेडाहरू र अन्य जीवित जनावरहरु आयात गरिएकाे हाे।
गत आर्थिक वर्षमा भारतबाट ४५ करोड ४७ लाख ३८ हजार बराबरको ५० हजार ७ सय ८७ वटा बाख्रा आयत भएको भन्सार विभागले जनाएको छ।
विदेशका विभिन्न देशहरूबाट गत आर्थिक वर्षमा एक अर्ब १५ करोड ६५ लाख २७ हजार बराबरको ९ लाख ५१ हजार ३ वटा घरपालुवा जीवित चराहरु आयात भएको छ। १ सय ८५ ग्राम भन्दा कम वजन भएका यी घरपालुवा जीवित चराहरु सबैभन्दा बढी थाल्याण्ड, मलेसिया र युकेबाट नेपालमा आयत भएको भन्सार विभागको तथ्याँकमा जनाइएको छ।
यसैगरी अस्ट्रेलिया, क्यानाडा, फ्रान्स, हँगेरी र न्युजिल्याण्डबाट आयत गरिएको छ। यसै अवधिमा विदेशबाट नेपालमा १२ करोड १४ लाख ३६ हजार बराबरको अन्य जीवित जनावरहरु पनि आयात भएको छ।
अन्य जीवित जनावरहरु नेपालमा चिन, रसिया, सर्बिया, रोमानियन, कतार, पोल्याण्ड, पाकिस्तान, नेदरल्याण्ड, नाईजेरिया, हँगेरी, ईटली, अस्ट्रेलिया जस्ताहरु देशहरुबाट आयात भएको छ।
यसैगरी चिनबाट गत आर्थिक वर्षमा १३ लाख १२ हजार बराबरको २ सय २० वटा जीवित भेडा आयत गरिएको छ।
नेपालमा करिब पौने दुई अर्बको जीवित जनावहरु आयात हुँदा निर्यात भने जम्मा ६ हजारमो मात्रै गरिएको भन्सार विभागको तथ्याँक छ।
अघिल्लो आर्थिक वर्ष २०७७/७८ मा भने विदेशबाट नेपालमा एक अर्ब ६० करोड ७८ लाख ८८ हजार बराबरको जीवित जनावरहरुको आयात भएको थियो भने आर्थिक वर्ष २०७६/७७ मा ९५ करोड ५७ लाख ६१ करोडको जीवित जनावरहरुको आयात भएको भन्सार विभागले जनाएको छ। यसवर्ष नेपालबाट विदेशमा ९२ लाख ६ हजारको जीवित जनावरहरु निर्यात समेत गरिएको थियो। यो समाचार देशसंचारका लागि राम मण्डलले लेख्नुभएको हो।
