नेपाली फुटबल जगतमै पहिलो पटक व्यवस्थित रुपमा अन्तरास्ट्रिय खेलाडी समावेस गरेर सुरुवात भएको नेपाल सुपर लिग (NSL) मा चितवन एफ सी ले लगातार दोस्रो हार बेहोरेको छ।
पहिलो दुई खेल बरावरीमा सक्काएको चितवन टिमले पछिल्लो दुई गेम भने लगातार हारेर शिर्षतालिकाको पुछारमा रहेको छ।
आइएमइ ग्रुपद्वारा प्रबर्धित चितवन एफ सी का मार्की खेलाडीमा भरत खवास रहेका छन् | व्यवसायी चन्द्र ढकालका छोरा सचिन ढकाल प्रेसिडेन्ट रहेका क्लबमा प्रशिक्षक भने मेघराज के सी रहेका छन्।
आज भएको खेलमा बिराटनगर सिटी संग पनि २-० को अन्तरले पराजित भएको छ। निर्धारित ९० मिनेटको खेलमा पहिलो हाफ ०-० भएतापनि खेलको ७३ औं मिनेटमा पेट्रो मान्जिले एक गोलले बिराटनगर सिटीलाइ अग्रता दिलाएका थिए भने खेल सकिन १ मिनेट अगावै ८९ औं मिनेटमा सन्तोष तामाङ्गले गरेको गोलले बिराटनगरले चितवन एफ सी लाई २-० ले जितेको थ्यो।
