चनौली, चैत्र ५ | अनेसास केन्द्रीय कार्यसमितिका निवर्तमान अध्यक्ष तथा साहित्यकार प्रकाश पौडेल ‘माइला’को शब्द रहेको ‘साइकलमा’ बोलको गीत म्युजिक भिडियोसहित सार्वजनिक भएको छ । गीतको म्युजिक भिडियो गायक तथा सङ्गीतकार बसन्त थापाको युट्युब च्यानलमार्फत सार्वजकिन गरिएको हो ।
भरतपुर २० चनौली स्थायी घर भइ लामो समय देखी जापानमा रहेर साहित्यसेवामा समर्पित पौडेलको शब्दमा गायक बसन्त थापा र गायिका अस्मिता अधिकारीले स्वर भरेका छन् भने सङ्गीत संयोजन तथा लय समेत बसन्त थापाकै रहेको छ । म्युजिक भिडियोमा सुधिर श्रेष्ठ र उषा उप्रेतीको प्रखर अभिनय देख्न सकिन्छ ।
पौडेलले गीतमा गाउँले परिवेशलाई सचित्र उभ्याउने कोसिस गरेका छन् । साइकल, मिल, सल, चौलानी, पराल, भर्याङ्ग, कुलो, इनारजस्ता बिम्बहरुलाई उनले गाउँले प्रेमसँग जोडेका छन् । गीतको म्युजिक भिडियोमा समेत सोही भावलाई उतार्न कोरियोग्राफ तथा निर्देशक मौसम हिमाली सफल देखिएका छन् । अत्यन्त सफल छायाकार राजेश घिमिरेले क्यामरामा जादु चलाउदा सम्पादनमा बिकास ज्ञवाली जमेका छन ।
‘करीब दुई दशक अगाडि चनौली-भिमनगरको सेरोफेरोमा आफुले देखे भोगेको अवस्थालाई साङ्गितिक रुपमा उतार्न जमर्को गरेको हुँ‘ चित्रवनखबर सँगको कुराकानीको क्रममा गीतकार पौडेलले बताए ।
गीतका रहेको शब्द संयोजन तथा शब्दको भाव नजिक रहेर गरिएको भिडियो संयोजन दर्शक तथा स्रोतालाई आफ्नो किशोरावस्था तथा युवाकालको रुमानी सम्झनामा पुर्याउन गीत सक्षम देखिन्छ ।
भिडियो हेर्नुहोस
