काठमाडौं । नेपाली कांग्रेसका नेता तथा प्रतिसनधिसभा सदस्य चन्द्र भण्डारीको स्वास्थमा क्रमिक सुधार आएको छ । ग्यास लिक भइ आगलागीमा परी घाइते भण्डारी भारतको मुम्बईस्थित नेशनल बर्न्स सेन्टरमा उपचाररत छन् । उनलाई सामान्य आहार दिन सुरू गरिएको अस्पताल स्रातले जनाएको छ ।
उनको अनुहारको छाला राम्रो हुँदै गएको, अपरेशन गर्न आवश्यक नभएको, स्वास्थ्यमा सुधार भइरहेको र कलमी छालाले राम्रोसँग काम गरिरहेको बताइएको छ ।
संक्रमण नियन्त्रण गर्न अस्पताल प्रशासनले आगन्तुकहरूलाई कडाइका साथ निषेध गरेको छ । सांसद भण्डारी अरूको सहयोगबिना केही समय बस्न सक्छन् । केही दिनमा उनलाई हिँड्नका लागि प्रयास गराइने पनि चिकित्सकहरूको तयारी छ ।
