चनौली । बौद्धिक अपाङ्गता भएका व्यक्तिको हक, अधिकार संरक्षण गर्न राज्य उदासीन भएको आरोप सहभागीहरुले लगाएका छन् ।
बौद्विक अपाङ्गताका अभिभावक सघ चितवनले चनौलीमा आयोजना गरेको गोष्ठीमा बोल्दै उनीहरुले बौद्धिक अपाङ्गता भएका व्यक्तिहरु शिक्षा, स्वास्थ्य लगायत राज्यबाट पाउनु पर्ने सुविधाबाट बन्चित भएको वताएका हुन।
भरतपुर महानगरपलिका स्वास्थ्य तथा सामाजिक महाशाखा प्रमुख शान्ता कुमारी पौडेलको प्रमुख आतिथ्यतामा भएको कार्यक्रममा प्रमुख पौडेलले अपाङ्गता भएका व्यक्तिहरुले पनि राज्यको बिकासमा योगदान दिनसक्ने भएकाले राज्यको प्रत्येक निकायमा समावेश गर्नुपर्नेमा जोड दिइन ।
बौद्धिक अपाङ्गता भएका व्यक्तिहरु स्वतन्त्ररुपमा बाँच्न पाउने सामान्य मानव अधिकारबाट समेत बन्चित रहेकाले गम्भिर हुन राज्यसँग उनको आग्रह थियो।
भरतपुर महानगरपालिकाको आर्थिक सहयोगमा आयोजीत कार्यक्रममा बौद्धिक अपाङ्गता अभिभावक संघका अध्यक्ष निर्मलकुमार श्रेष्ठले गोष्ठीले अपांगता भएका ब्यक्तिहरुको संरक्षण तथा संम्बर्धनमा टेवा पुग्ने विश्वास लिय । उनले राज्यले बौद्धिक अपाङ्ता भएका व्यक्तिलाई सबैखाले पहुँच दिलाउन माग गरेका छन्।
