ज्योतिनगर । भरतपुर महानगरपालिका वातावरण शाखाको समन्वय एवं र मुस्कान जीवन समुहको आयोजनामा प्लाष्टिकजन्य फोहोरबाट हस्तकलाका सामान बनाउने तालिम भरतपुर २६ ज्योतिनगरमा सम्पन्न भएको छ ।
चैत्र २३ गते सुरू भएको तालिम तिन दिनसम्म सञ्चालन भएको हो ।
मुस्कान जीवन समुहका अध्यक्ष घनश्याम ढकाल प्रेमको सभापतित्व सम्पन्न समापन कार्यक्रमको प्रमुख अतिथिको रुपमा भरतपुर २६ का वडाध्यक्ष ज्ञानप्रसाद खनाल रहेका थिए।
प्रमुख अतिथि खनालले प्लाष्टिक जन्य फोहरलाई हस्तकलाका माध्यम बाट पुनः प्रयोग गर्दै मोहरमा बदल्न सकिने बताए। प्रत्येक नागरिकले आफुभित्रको क्षमतालाई चिनेर उद्यमसिलतासँग जोडिदै सफलताको बाटोमा अघि बढ्न उनले आग्रह समेत गरे ।
उक्त तालिमको प्रमुख प्रशिक्षकका रुपमा अनिता शर्मा अधिकारी र शोभा थापा रहेका थिए।तालिममा ३० जनाको सहभागी थिए । दैनिक जीवनमा प्रयोग भएर खेरा गएको प्लाष्टिकहरुलाई पुनः प्रयोग गरेर विभिन्न हस्तकलाका सामग्री बनाउन सिकाइएको थियो ।समापन कार्यक्रममा रेडक्रस दिव्यनगरकी उपसभापती राधा पाण्डे चापाँगाइ, मिलन क्लब मिलनचोकका अध्यक्ष टुकमान गुरूङ,भ्रष्टाचार विरोधस् सहयोगी सस्थाका अध्यक्ष कृष्णप्रसाद ढकाल, कालिका मन्दिर व्यवस्थापन समितीका अध्यक्ष दुर्गाप्रसाद अधिकारी लगायतले मन्तव्य व्यक्त गरेका थिए।
