मन्त्रीका लागि पार्टीलाई आर्थिक सहयोग गर्न भन्दै व्यवसायी दुर्गा प्रसाईंसँग दुई करोड रुपैयाँ मागेको अडियो सार्वजनिक भएको विषयमा पार्टीले स्पष्टकीरण सोधेपछि राष्ट्रिय स्वतन्त्र पार्टीका सांसद ढाकाकुमार श्रेष्ठले आफूमाथि षड्यन्त्र भएको बताएका छन् ।

बुधबार धुमबाराहीमा पत्रकार सम्मेलनमा उनले जनवरीमा रेडर्क गरिएको अडियो अहिले सार्वजनिक गरेर षड्यन्त्र गरिएको बताए । उनले चुनावको मुखमा अडियो सार्वजनिक हुनु पार्टीविरुद्धको षड्यन्त्र भएको पनि बताए ।

उनले तीनवटै निर्वाचन क्षेत्रमा पार्टीलाई हराउन चारैतिरबाट सुनियोजित षड्यन्त्र भएको पनि बताए । उनले आफू निर्दोष रहेको समेत दाबी गरे । उनले आफू यो प्रकरणमा न्यायालय जाने र क्लिन चिट पाउनेसमेत बताए । सञ्चारमर्कीले तपाईंले पहिला अस्वीकार गर्नुभयो पछि स्वीकार गर्नुभयो भन्ने प्रश्नमा उनी जवाफ नदिई हिँडे

प्रेसमिटमा श्रेष्ठले गरेको सम्बोधन :

मसँग जोडिएको अडिायो भाइरल भैरहेको छ । जसले उपचुनावमा असर पारेको छ । मेरो मान प्रतिष्ठामा घात गरेको छ । त्यसप्रति क्षमाप्रार्थी छु ।
अडियाे जसले जहाँ पनि बनाउन सकिन्छ । अथेन्टक होइन । वाट्सएमपमा कुरा गरिएको भनिएको छ । मेरा कुराहरु कहाँ कहाँबाट जोडिएर मिडियामा आएको छ । यसप्रति खेद प्रकट गर्न चाहान्छु । म निलम्बित भएको भएको सदस्य हुँ ।

पार्टीले अनुसन्धान गर्न गरेको निर्णय स्वागत योग्य ठान्दछु । म न्यायालय पनि गैसकेको छु । केही समयमा निश्चिन्त हुनुस् न्यायालयमा सबै कुरा प्रष्ट पारेर क्लिन चिल ल्याएर यसैगरि प्रेसमिट गर्नेछु । त्यतिन्जेलसम्मका लागि धैर्य धारण गर्नुहोला ।

सम्पूर्ण आमाबुबा दिदीबहिनी दाजुभाईहरुले यो अडियोलाई ध्यानमा नराखेर मत दिनुहोला । जनवरीमा भएको अडियोलाई अहिले आएर सार्वजनिक गर्नु भनेको सुनियोजित किसिमले चारैतिबाट प्रहार गरिएको हो । तीनैवटा क्षेत्रमा पार्टीलाई हराउन खोजिएको सुनियोजित योजना हो । सम्पूर्ण महानुभावहरुले भोट हालेर जिताइदिनुहोला । हवस्त नमस्कार ।