चितवन, बैशाख २० – हिजो राति चितवनका पोल्ट्री व्यवसायी शंकर कँडेल आत्महत्या सम्बन्धमा उनका परिवारले २ जनाविरुद्ध उजुरी दिएका छन् । उनका परिवारले कंडेलका व्यवसायमा लगानी गर्ने प्रदीप रुङ्गटा र चार्टर्ड एकाउन्टेन्ट जीवन रावल लगायतविरुद्ध आज उजुरी दिएका हुन् । परिवारले किटानी जाहेरी दर्ता गराएसँगै पक्राउ पुर्जी जारी गरिएको हो ।
भरतपुर–३ बेलचोक निवासी पोल्ट्री व्यवसायी कँडेल मंगलबार साँझ मृत फेला परेका थिए । उनी बेलचोकस्थित आफ्नै घरमा रहेको अनमोल फिडको अफिस कोठामा झुण्डिएको अवस्थामा मृत फेला परेका थिए ।
