गुल्मी यातायात प्रालिले जीप सेवा विस्तार गरेको छ काठेखोला गाउँपालिका वडा नं ५ बिहुँ पोखरा देखि, रिजाल चोक, घोडाबाँधे, गलकोट हटिया, गुल्मीको वामीटक्सार, पाल्पा हुँदै बुटवलको लागि सिधा यातायात सेवा सञ्चालन गरिएको गुल्मी यातायात प्रालिका अध्यक्ष रुपकलाल श्रेष्ठले जानकारी दिनुभयो ।
यस क्षेत्रका स्थानीयको आवश्यकता एवं मागलाई मध्यनजर गर्दै सेवा विस्तार गरिएको र यसलाई निरन्तरता दिदै थप सेवा विस्तार गरिने अध्यक्ष श्रेष्ठले बताउनुभयो ।
बागलुङको काठेखोला गाउँपालिका बिहुँपोखरा देखि रिजाल चोक, घोंडाबाँधे, भ्यू टावर, दुदिलाभाटीको चौराहा, झाँक्रीस्थान, काफलठुटा, नरेठाँटी, हटिया बजार, खर्बाङ, गुल्मीको वामीटक्सार, रिडी, पाल्पा हुँदै बुटवल सम्म दैनिक बिहान ७ बजे गाडी छुटने गरि नियमित सेवा सञ्चालनमा ल्याईएको गुल्मी यातायात प्रालिका कार्यालय प्रमुख डोल बहादुर कुँवरले जानकारी दिनुभयो ।
तत्कालको लागि बिहुँ पोखरा देखि बुटवल सम्मको भाडादर प्रतिव्यक्ति रु. १ हजार ४ सय कायम गरिएको गुल्मी यातायात प्रालिले जनाएको छ ।
यातायात सेवा बारे जानकारी लिन र टिकट बुकिङ गर्न ९८६७३१७४६० र ९८४३६३८८३२ मा सम्पर्क गर्न सकिने समितिले जनाएको छ । प्रालिका ३ सय ७९ साना ठुला सवारी साधन सञ्चालनमा रहेका छन् ।
