शारदानगर । पश्चिम चितवनको भरतपुर १७, शारदानगर टाउनमा मुख्य कार्यालय रहेको उत्कृष्ट बचत तथा ऋण सहकारी संस्था लि.को १३औं बार्षिक साधारण सभा तथा वार्षिकोत्सव शनिबार सम्पन्न भएको छ ।
साधारण सभाको बागमती प्रदेश बचत तथा ऋण सहकारी संघ लि. (बागमती प्रोस्कून) का सञ्चालक तेजेन्द्रबहादुर खड्काले एक समारोहका बीच उद्घाटन गरेका थिए ।
उक्त अवसरमा बोल्दै प्रमुख अतिथी खडकाले देशको आर्थिक विकासको मेरुदण्डको रुपमा रहेको सहकारीको विकासमा सरकारले विशेष ध्यान दिनुपर्ने बताए ।
संस्थाका अध्यक्ष कृष्णभक्त भट्टराईको अध्यक्षतामा भएको साधारण सभामा उनले संस्थाको आ.व.०७९÷०८० मा सहकारीले गरेको उपलब्धी, भावी योजना, सम्भावना र भविष्यमा आउन सक्ने चुनौतिको बारेमा जानकारी गराए ।
संस्थाले नेपालको समग्र सहकारी बजारमा कुल कारोबार, चुक्ता पूँजी, निक्षेप संकलन, कर्जा लगानी, मुनाफा आर्जन, नेपाल सरकारलाई राजश्वमा गरेको योगदान, रोजगारी लगायत अन्य विविध क्षेत्रमा गरेको उल्लेखनीय कार्यहरू गर्न सफल रहेको उनको भनाई छ । सभामा सञ्चालक समितिको तर्फबाट संस्थाका ०८०÷०८१ को लागि संस्थाको प्रस्तावित आयव्यय प्रस्तुत गर्दै उनले संस्थाले प्रदान गर्ने सेवासुविधालाई प्रयोग गर्न सबैमा आग्रह गरेका थिए ।
कार्यक्रममा भरतपुर महानगरपालिकाका वडा नं–१८ का वडाध्यक्ष बाबुराम रानाले सहकारी ऐनलाई मर्यादित रूपमा कार्यान्वयन गर्न सबै सहकारीहरुलाई आग्रह गरे ।उनले उत्कृष्ट सहकारीले गरेको सफलतालाई धन्यवाद दिँदै आगामी दिनमा सञ्चालक, शेयर सदस्य र कर्मचारी तीनै पाटालाई समेटेर अझ सफलता हासिल गर्न शुभकामना व्यक्त गरे ।
त्यस्तै, साधारण सभाले सस्थाका व्यवस्थापक शिव भण्डारीले पेश गरेको संस्थाको एतिहासिक प्रतिवेदन, कोषाध्यक्ष सोमनाथ बस्ताकोटीले आर्थिक प्रतिवेदन र सचिव सुरेश ढकालले पेश गरेको प्रगति प्रतिवेदन, लेखा समितिका संयोजक अनिल घिमिरले पेश गरेको लेखा परीक्षण प्रतिवेदन सर्वसम्मत रुपमा पारित गरेको छ ।कार्यक्रममा शेयर सदस्य इन्दीरा धिताल, प्रभा अर्याल, भरतपुर–१८ का वडासदस्य विमल लामा, सस्थापक अध्यक्ष तुल्सीराम पाण्डे लगायतले मन्तव्य राखेका थिए ।
साधारण सभामा संस्थाले गरेको आर्थिक उपलब्धी सार्वजनिक तथा संंस्थागत विकासमा योगदान दिएका शेयर सदस्यहरुलाई विभिन्न विधामा सम्मान गरिएको थियो । संस्थाले ०८० सालको एसइई परीक्षामा सर्वोत्कृष्ट नतिजा ल्याउने शेयर सदस्यका छोराछोरीलाई नगदसहित सम्मान गरेको थियो । सहकारीमा २१ सय जना शेयर सदस्यहरू रहेका छन्
