चनौली – आज विहान ११ः५० बजेको समयमा भरतपुर महानगरपालिका–१८, भिमनगर चोक बाट १८ नं वडा कार्यालय जाने बाटो को करिब ४०० मिटर भित्र गुञ्जनगरमा मोटरसाइकलले ठक्कर दिँदा पैदलयात्री भरतपुर–१९ बस्ने ३५ वर्षीया सरस्वती गुरुङको मृत्यु भएको हो । भीमनगरबाट वडा कार्यालयतर्फ जाँदै गरेको ना ५१ प ६४९२ नम्बरको मोटरसाइकल ले पैदलयात्री सरस्वती गुरुङलाई ठक्कर दिँदा गुरुङ गम्भिर घाइते भएकी थिइन् ।

उनको उपचारको क्रममा पुरानो मेडिकल कलेज भरतपुरमा मृत्यु भएको प्रहरीले जनाएको छ । मोटरसाइकलमा सवार चालक भरतपुर १८ बस्ने ३० वर्षीय आइतसिंह घर्ती र पछाडी सवार उनकी श्रीमती २६ वर्षीया शुशीला घर्ती घाइते भएका छन् ।चालक आइतसिंहको अनुहार र टाउँकोमा चोट लागेको छ भने उनकी श्रीमती शुशीलाको अवस्था सामान्य रहेको प्रहरीले जनाएको छ ।