भरतपुर , मङ्सिर ९ : चितवन निर्वाचन क्षेत्र नं.–२ मा संघतर्फ सबैभन्दा बढि मत राष्ट्रिय स्वतन्त्र पार्टीले पाएको छ। यस पार्टीले कुल ३५ हजार ९ सय ४५ प्राप्त गरेको मुख्य निर्वाचन अधिकृतको कार्यालय चितवनले जनाएको छ।
त्यस्तै नेकपा एमालेले सामानुपातिकमा १६ हजार सात सय ८४ मत ल्याएको छ। नेपाली कांग्रेसको ११ हजार ९ सय १४, नेकपा (माओवादी केन्द्र) नेपाल समाजवादी पार्टीको ८ हजार ४ सय ७, जनता समाजवादी पार्टी नेपालको ४०, राष्ट्रिय प्रजातन्त्र पार्टी ३ हजार २ सय १८, नेकपा माले २ सय २०, घण्टी ३५ हजार ९ सय ४५ र नेकपा एकीकृत समाजवादीले कुल ६ सय १६ मात्र पाएको छ। दुइ ठूला भनिएका पार्टी एमाले र काँग्रेसले पाएको मत भन्दा ७ हजार बढी मत समानुपातिकमा रास्वपाले पाएको हो।
क्षेत्र नं २ मा जम्मा मत ८२ हजार ९ सय ३४ मत खसेकोमा सदर मत ७९ हजार ६ सय १ रहेको छ। बदर मत ३ हजार ३ सय ३३ छ। प्रत्यक्ष निर्वाचन तर्फ राािष्ट्रय स्वतन्त्र पार्टीले ४९ हजार २ सय ६४ मत पाएको थियो। पार्टीका उम्मेदवार रवि लामिछाने कुल ३४ हजार १ सय ६२ मतले विजयी भएका छन्। नेपाली कांग्रेसका उम्मेदवार उमेश श्रेष्ठले १४ हजार ९ सय ८३ मत पाएकोमा उनको पार्टीले समानुपातिक तर्फ ११ हजार ९ सय १४ मत पाएको छ। एमालेका उम्मेदवार कृष्णभक्त पोखरेलले १४ हजार ६ सय ४७ मत पाउँदा उनको पार्टी नेकपा एमालेले १६ हजार ७ सय ८४ मत पाएको छ।
