चितवन, मंसिर २४: नेपाली कांग्रेसले चितवनका २ सहित ३२ जना समानुपातिक सांसदको टुंगो लगाएको छ ।
आज बिहान पार्टी केन्द्रीय कार्यालय सानेपामा बसेको केन्द्रीय कार्यसम्पादन समितिको बैठकपछि पार्टी सभापति शेरबहादुर देउवाले चितवनका दुईसहित समावेशिताको आधारमा सांसदको नाम टुंगो लगाएका हुन् ।
चितवनबाट कांगेस महिला नेतृहरु अन्जनी श्रेष्ठ र शान्ति विक समानुपातिक सांसद बनेका हुन् ।
संविधानसभाको सदस्यसमेत बनेकी श्रेष्ठ चितवनका प्रदेश मन्त्री मिलनबाबु श्रेष्ठकी श्रीमती हुन् भने भरतपुर–१२ की स्थायी बासिन्दा शान्ति विक नेपाली कांग्रेसको केन्द्रीय सदस्य रही दलित आन्दोलनमा सक्रिय नेतृ हुन् ।
कांग्रेसले छानेका ३२ मध्ये २९ जना महिला रहेका छन् भने पुरुष तीन जना मात्रै रहेका छन् ।
