काठमाण्डौ, पुुस ५:राहदानीको आवेदनका लागि अबदेखि दिउँसो साढे ३ बजेपछि मात्रै ‘अपोइन्टमेन्ट डेट’ लिन पाइने व्यवस्था गरिएको छ । राहदानी विभागले गत साउन १७ गतेदेखि दैनिक बिहान ११ बजे ‘अपोइन्टमेन्ट डेट’ बुकिङ खोल्ने गरेकामा आज (मंगलबार)देखि अपराह्न साढे ३ बजेदेखि मात्रै खुला गर्न लागेको हो।
प्रायः जिल्ला र इलाका प्रशासन कार्यालयले बिहान ११ बजेकै आसपासमा बुकिङ खोल्ने गरेको पाइएको र सर्भरमा चाप देखिएका भन्दै दिउँसो साढे ३ बजेबाट मात्र अपोइन्टमेन्ट डेट’ बुकिङ खोलिने निर्णय गर्नुपरेको विभागको भनाइ छ। विभागको सोमबार महानिर्देशकस्तरको निर्णयबाट यो व्यवस्था गरिएको सूचनामा उल्लेख छ।
