चितवन ५ पौष : भरतपुर महानगरपालिका वडा नं २० ले न्यानो कपडा वितरण अभियान सुरु गरेको छ। वडाध्यक्ष मुक्तिप्रसाद घलेको सक्रियतामा वडामा पर्ने ३ सरकारी विद्यालयमा अध्ययनरत शिशु देखि कक्षा ३ सम्म पढ्ने विद्यार्थीहरुलाई आज एक कार्यक्रम गरि वितरण गरेको हो।
वडाबाट न्यानो कपडा अभियानका निम्ति ३ लाख ५० हजारको बजेट विनियोजन गरिएको वडा सदस्य भोजराज लामिछानेले बताउनुभयो। यो अभियानबाट ५१६ जना विद्यार्थीहरु पनि लाभान्वित हुनेपनि उहाँले बताउनुभयो। आज भएको पहिलो चरणमा बगैंचा स्थित आधारभूत विद्यालय सिमलटाँडीमा वितरण गरिएको हो भने अब केहि दिनमा क्रमश भिमचन्द्र आधारभूत विद्यालय र भिमनगर माविमा पनि वितरण गरिने उहाँले जानकारी दिनुभयो। वितरण कार्यक्रममा वडासदस्यहरु प्रभा कोइराला, स्वस्तिका परियार र टेकबहादुर तामांङ्गको उपस्थिति रहेको थियो।
