भरतपुर – भरतपुर महानगरपालिका वडा नम्बर १ मा सुर्तीजन्य पदार्थ बिक्रीवितरण गर्न नपाईने भएको छ । वडा कार्यालयले एक सुचना जारी गर्दै सो वडामा रहेका विभिन्न पसलहरुमा गुड्का तथा सुर्तीजन्त पदार्थ बिक्रीवितरण गर्न नपाईने जनाएको हो ।
वडा अध्यक्ष केशव महर्जनद्वारा जारी सुचनामा गर्दै सुर्तीजन्य पदार्थले मानव जनस्वास्थमा नकारात्मक असर पर्न गई क्यान्सर जस्तो प्राणघातक रोग लाग्नुका साथै प्याक भई आएको खोल प्लास्टीकको प्याकेटले बातावरणलाई समेत असर गर्ने भन्दै उक्त वडामा सुर्तीजन्य पदार्थहरू विक्री बितरण नपाईने जनाएको हो ।
वडाले १५ दिने सूचना जारी गर्दै यदि त्यस्ता सुर्तीजन्य पदार्थहरु बिक्री वितरण गरिएको भेटिएमा प्रचलित कानुन बमोजिम कारवाही गरिने समेत जनाएको छ ।
