चितवन १४ मङ्सिर : राष्ट्रिय स्वतन्त्र पार्टीका सभापति रवि लामिछाने नेतृत्वको गृह मन्त्रालयले बिहीबार सुरक्षा निकायका पदाधिकारीलाई राजनीतिक दलक नेता तथा विदेशी कूटनीतिक नियोगका पदाधिकारीसँग मन्त्रालयको स्वीकृति नलिई नभेट्न निर्देशन दिएको छ । उपप्रधानमन्त्री तथा गृहमन्त्री रवि लामिछाने नेतृत्वमा आएपछि गृहले यस्तो सूचना जारी गरेको हो ।
मन्त्रालयका प्रवक्ता फणिन्द्रमणि पोखरेलले विज्ञप्ति जारी गर्दै कुनै राजनीतिक दलका नेता, वा कार्यालयमा, विदेशी कूटनीतिक नियोगमा जानुपर्ने वा पदाधिकारीलाई भेट्नुपर्ने भएमा विभागलाई स्पष्ट जानकारी दिई स्वीकृति लिएर मात्र जान निर्देशन दिएका छन् । यस्तै यो निर्देशनविपरीत गतिविधि भए कारबाही गरिने चेतावनी पनि दिइएको छ ।
