चितवनको भरतपुर पुर्वमा निर्माणाधीन सडकको ढलमा परेर एक पोथी गैंडाको मृत्यु भएको छ ।
जिल्ला प्रहरी कार्यालय चितवनका अनुसार महानगरमा निर्माणाधिन ६ लेन सडकको ढल निकासका लागि बनाइएको नालाको खोल्सामा परेर गैंडा मरेको हो ।
भरतपुर ९ गोन्द्राङस्थित पुर्व पश्चिम राजमार्गको नजिक रहेको नालामा हिजोराति खसेको गैंडा मृत अवस्थामा देखेपछि स्थानीयले आज मात्र प्रहरीलाई खबर गरेका थिए ।
गैंडा नालीमा परेको स्थान टिकौली जंगल नजिकै छ । टिकौली जंगलमा धेरै जनावरले सडक वारपार गरिरहन्छ ।
सडक बनाउदा जंगली जनावरको आवतजावतलाई ध्यान नदिई संरचना बनाउँदा गैंडा नालीमा खसेको हो ।
