काठमाडौं — जेनजी आन्दोलनको चर्को विरोध र हिंसात्मक घटनापछि प्रधानमन्त्रीबाट सत्ताच्युत भएका केपी शर्मा ओली सेना सुरक्षा घेारामा ९ दिन बिताएपछि भक्तपुरको गुण्डुस्थित एक घरमा भाडामा बसेका छन्। प्रदर्शनकारीद्वारा ओलीको काठमाण्डौं, झापा र दमकका घरमा आगजनी भएपछि सुरक्षा कारणले उनलाई सेनाले शिवपुरी सैन्य व्यारेकमा सुरक्षित राखेको थियो।
सैनिक व्यारेकमा बसाइँ सकेर बिहीबार सम्भावित खतरा कायम रहेको अवस्थामा ओली भक्तपुरको नयाँ निवासमा स्थानान्तरण भएका हुन्। समर्थकहरुले घरमा स्वागत गरेका छन्। आन्दोलनका क्रममा ओलीले नेपाल सरकारबाट प्रदर्शनकारीलाई गोली चलाउने आदेश नदिएको भन्दै संविधान दिवसको वक्तव्यमा शान्तिपूर्ण प्रदर्शनमा घुसपैठ भएर हिंसा भएको बताएका छन्। उनले आन्दोलनमा ७४ जनाको मृत्यु भएको र प्रायः टाउको तथा छातीमा गोली लागेको पुष्टि गरेका छन्।
ओलीका अनुसार, “प्रहरीसँग पनि नभएका स्वचालित हतियारले गोली चलेको पाइएको छ, त्यसकारण घटनाको छानबिन हुनुपर्छ।” आन्दोलनपछि नेपालमा सत्ता परिवर्तनसहित युवा पुस्ताको सहभागिताले राष्ट्रिय राजनीतिमा नयाँ घटना क्रम ल्याएको छ। ओली हाल भक्तपुरको सामान्य भाडाको घरमा नियमित सुरक्षा व्यवस्थाकाे बीच बसाेका छन् ।
