काठमाडौं — एसिया कप २०२५ को फाइनलमा भारतले पाकिस्तानलाई पाँच विकेटले हराउँदै आफूलाई नवौँ पटक च्याम्पियन बनाएको छ। दुबईमा आइतबार राति सम्पन्न खेलमा पाकिस्तानले दिएको १४७ रनको लक्ष्य भारतले १९.४ ओभरमै ५ विकेटको क्षतिमा पुरा गर्यो।
भारतका तिलक वर्माले अविजित ६९ रनको महत्त्वपूर्ण पारी खेले। सानदार अर्धशतकसहित उनले ५३ बलमा ४ छक्का र ३ चौका प्रहार गरे। रणनीतिक दबावमा परेको भारतीय टिमलाई मध्यक्रमबाट सञ्जु सामसन (२४ रन) र शिवम दुवे (३३ रन) ले महत्वपूर्ण योगदान दिए। रन चेजको अन्त्यमा रिंकु सिंह नटआउट २ रनमा रहँदा भारतले २ बल बाँकी छँदै जित हात पारेको हो।
त्यसअघि टस जितेर पहिले ब्याटिङ गरेको पाकिस्तानले सम्मानजनक सुरुवात गरे पनि १९.१ ओभरमै सबै विकेट गुमाउँदै १४६ रनमा समेटिएको थियो। पाकिस्तानका लागि साहिबजादा फरहानले ५७ रन, फखर जमनले ४६ रन बनाए। भारतका स्पिनर कुलदीप यादवले ४ विकेट लिए, यस्तै बुमराह, अक्षर पटेल र वरुण चक्रवर्तीले २–२ विकेट झारे।
खेलको अन्त्य विवादास्पद रह्यो, किनभने भारतीय टोलीले एसीसी अध्यक्ष तथा पाकिस्तानी मन्त्री मोहसिन नकवीबाट ट्रफी ग्रहण गर्न अस्वीकार गर्दै मेडल नलिएको समाचार छ.
यो जितसँगै भारतले सन् १९८४, १९८८, १९९०–९१, १९९५, २०१०, २०१६, २०१८, २०२३ र २०२५ को संस्करणमा एसिया कपको उपाधि जित्ने कीर्तिमान थप गरेको छ।
