जापानका पूर्वप्रधानमन्त्री सिन्जो आवेमाथि गोली प्रहार भएको छ। शुक्रबार बिहान उनले नारा सहरमा भाषण दिइरहेका बेला पछाडिबाट गोली प्रहार भएको हो।

जापानका पूर्व प्रधानमन्त्री शिन्जो आबेलाई शुक्रबार दक्षिणी जापानमा चुनावी प्रचारका क्रममा गोली प्रहार गरी गम्भीर घाइते भएको सार्वजनिक प्रसारक एनएचकेले जनाएको छ ।

जापानका सबैभन्दा लामो समय सेवा गर्ने प्रधानमन्त्री आबे नारा सहरमा भाषण दिइरहेका थिए । NHK ले स्थानीय दमकल विभागलाई उद्धृत गर्दै आबे “कार्डियोपल्मोनरी अरेस्ट” को अवस्थामा रहेको बताएको छ। संदिग्ध बन्दुकधारी पक्राउ परेको बताइएको छ ।

जापानी संसदको माथिल्लो सदनका लागि आइतबार निर्वाचन हुँदैछ । २०२० मा राजीनामा दिएका ६७ वर्षीय आबे शासक लिबरल डेमोक्रेटिक पार्टीका अन्य सदस्यहरूको लागि प्रचार गर्दै थिए तर उनी आफैं भने उम्मेदवार होइनन्।

प्रहरीले एक शंकास्पदलाई पक्राउ गरेको छ। आवेको अहिले अस्पतालमा उपचार भइरहेको छ। उनको छातीमा गोली लागेको जापानिज मिडियाले उल्लेख गरेका छन्।

News Source: CNBC