हिजो असार १२ गते लागू औषध दुरुपयोग तथा ओसारपसार विरुद्द अन्तराष्ट्रिय दिवसको अवसरमा जिल्ला चितवन भरतपुर म.न.पा.१० स्थित स्याउली बजारको सडक छेउछाउमा आफै उम्रिएका अंन्दाजि ४००० (चार हजार) बोट गाँजा, जिल्ला प्रहरी कार्यालय चितवनका प्र.नि. कमला नरालको कमाण्डमा १५ जनाको प्रहरी टोली,सोही वडाका टोल सुधार सदस्य मधुसुदन ढकाल र सामुदायिक सेवा केन्द्र भरतपुरका पदाधिकारीहरु समेत गरी ६० जनाको उपस्थितिमा १ घण्टा गाँजा फडानी गरिएको छ ।
साथै सोही दिवसको अवसरमा जिल्ला चितवन भरतपुर म.न.पा.५ नारायणपुर स्थित लाईफ केयर सुधार केन्द्रका संचालक ज्ञानुजंग लामाको प्रमुख आतिथ्यतामा लागू औषध दुरुपयोग तथा बच्ने उपाय सम्बन्धी अन्तरक्रिया कार्यक्रम सन्चलन गरि लागु औषध सम्बन्धी पर्चा पम्प्लेट वितरण गरिएको जिल्ला प्रहरी कार्यालय चितवनले जनाएको छ ।
