नेकपा (एमाले) काभ्रेको अध्यक्षमा अशोक ब्याञ्जु सर्वसम्मत चयन हुनुभएको छ ।
बन्द सत्रमा एमालेका पोलिटव्यूरो सदस्य गोकुल बाँस्कोटाले अध्यक्षमा ब्याञ्जु र उप–सचिवमा रिता ढकाल सर्वसम्मत चयन भएको घोषणा गर्नुभएको छ ।
यस्तै समायोजन प्रक्रियाबाट आएकाहरूलाई समेट्दै खुला तथा समावेशीतर्फ केही जिल्ला सदस्य समेत सर्वसम्मत चयन भएका छन् ।
सर्वसम्मत भएकाहरूले पनि निर्वाचन प्रक्रिया पूरा गर्न भने उम्मेदवारी दर्ता गर्नुपर्ने भएको छ ।
बाँकी पदका लागि आइतबार विहान साढे ६ बजेदेखि साढे ८ बजेसम्म उम्मेदवारी दर्ताको समय तोकिएको निर्वाचन समितिले जनाएको छ ।
यस्तै साढे ८ बजेदेखि साढे ९ बजेसम्म उम्मेदवारी फिर्ताको समय तोकिएको छ भने विहान १० बजे अन्तिम नामावली प्रकाशन हुनेछ । आइतबार नै विद्युतीय भोटिङ मेसिन मार्फत् मतदान हुनेछ ।
एमालेको १० औं जिल्ला अधिवेशनको उद्घाटन भव्य समारोहकाबीच एमाले अध्यक्ष केपी शर्मा ओलीले गर्नुभएको थियो । ब्यान्जु धुलिखेल नगरपालिकाका प्रमुख पनि हुनुहुन्छ।
