पश्चिम चितवनको चनौलीको नेपाल रेडक्रस सोसाइटी चनौली उपशाखाको सभापतिमा ओम लामिछाने निर्वार्चित हुनुभएको छ। आज सम्पन्न २८ औं वार्षिक साधारण सभाबाट लामिछाने सहित ११ जनाको नयाँ कार्यसमिति गठन भएको हो।
सभापतिमा ओम लामिछाने सहित उपसभापतिमा माया श्रेष्ठ, सचिवमा चुडामणि पौडेल, कोषाध्यक्षमा हुमराज रेग्मी, उपसचिवमा कालिका खनाल, उपकोषाध्यक्षमा रन्जिता न्यौपाने, महिला सदस्यमा डिलमाया ढकाल र खुल्ला सदस्यमा बैकुण्ठलाल श्रेष्ठ, ऋषिकोष अधिकारी, भावना श्रेष्ठ र सदन बराल सहित ११ सदस्यिय कार्यसमिति निर्विरोध चयन भएका हुन्।
रेडक्रसको आफ्नै प्राङ्गढमा सम्पन्न उक्त कार्यक्रममा भरतपुर महानगरपालिकाकी उपमेयर पार्वती शाह प्रमुख अतिथिको रुपमा उपस्थित हुनुभएको थियो भने पुर्व सभापति सहित आजीवन सदस्यहरुको पनि उपस्थिति रहेको थियो।
