खैरहनी । पूर्वी चितवनको खैरहनीमा नेकपा एमालेका युवाहरु कांग्रेसमा प्रवेश गरेका छन् । कांग्रेसको ‘घरघर जाउँ कांग्रेस जिताउँ’ अभियानअन्तर्गत खैरहनी नगरपालिका वडा नं ४ मा भएको कार्यक्रममा खैरहनी नगर सभापति गुणराज श्रेष्ठ र अभियानका जिल्ला प्रतिनिधि विवेक उदासले एमालेका युवाहरुलाई पार्टीमा स्वागत गरेका हुन् ।
पार्टी प्रवेश गर्नेहरुमा खैरहनी-६ का रोनिक थापामगर र विशाल थापामगर, खैरहनी-२ का अभिषेक खड्का र रोशन श्रेष्ठ, खैरहनी-४ का रमेश लोप्चन, खैरहनी-९ का विवेक तामाङ र राप्ती नगरपालिका वडा नं ८ का गणेश उप्रेती रहेका छन् ।
खैरहनी २ का नेपाली कांग्रेसका युवा नेता भरत खनालका अनुसार कांग्रेसको घरदैलो अभियान सुरु भएयता ३०० बढी युवा विभिन्न पार्टी परित्याग गरी कांग्रेसमा प्रवेश गरेका छन् ।
स्थानीय तहको निर्वाचनलाई केन्द्रित गरी कांग्रेसले सुरु गरेको ‘घरघर जाउँ कांग्रेस जिताउँ’ अभियानअन्तर्गत खैरहनीका अधिकांश वडाबाट अन्य पार्टी परित्याग गरी कांग्रेसमा प्रवेश गर्नेहरुको संख्या बढेको छ ।
♦
