चितवन, चैत्र २२ : राप्रपा यानीराष्ट्रिय प्रजातन्त्र पार्टीले चितवन जिल्लामा शक्ति प्रदर्शनसहित आमसभा गर्ने भएको छ । आगामी वैशाख २ गते भरतपुरको केन्द्रीय बस टर्मिनलमा रा.प्र.पा.ले शत्तिः प्रदर्शन सहित आमसभा गर्न लागेको हो ।
पार्टीका भरतपुर महानगर सचिव सुलभ सिग्देलका अनुसार आमसभालाई पार्टीका केन्द्रिय अध्यक्ष राजेन्द्र लिङ्देन, वरिष्ठ उपाध्यक्ष विक्रम पाण्डे, प्रवक्ता जानेन्द्र शाही, केन्द्रीय सदस्य रेखा थापा लगायतले सम्बोधन गर्नेछन ।
बैशाख २ को कार्यक्रमका लागि जिल्ला अध्यक्ष रुद्र ढकालको संयोजकत्वमा ५ सय १ सदस्य समिती समेत बनेको सिग्देलले जानकारी दिए । कार्यक्रमको तयारीका लागि अन्य विभिन्न १६ वटा उप–समिती समेत गठन भएका छन ।
