पुर्व प्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल‘प्रचण्ड’ले आफू भरतपुर महानगरपालिका मेयर रेनु दाहाल प्रचण्डको मात्रै छोरी नभएको बताएका छन् । चितवनको भरतपुरमा आयोजित लालपूर्जा वितरण कार्यक्रममा बोल्दै प्रचण्डले रेनु प्रचण्डको छोरी नभएर रेनुको बुवा प्रचण्ड भएर चिन्न थालिएको बताए । २०७४ सालमा रेनु आउँदा सबैले प्रचण्डको छोरी आइ भन्ने गर्थे । यध्यपी रेनुको आफ्नै त्याग,तपस्या थियोे। रोल्पा रुकुमका जिल्लादेखि भारतका विभिन्न सहरमा भूमिगत रुपमा काम गरेका आफ्नै अनुभव थिए’ प्रचण्डले भने, ‘मलाई खुसी छ ।
प्रचण्डको छोरी होइन रेनुको बुवा प्रचण्ड भएको छ। महिलाहरुले चाहे भने धेरै गर्न सक्छन भन्ने पुष्टी भएको छ।’ महिलाले आँट गरेमा गर्न सक्छन भन्ने भूमी मन्त्री शशी श्रेष्ठदेखि उर्जा मन्त्री पम्फा भुसालले पुष्टी गरेको प्रचण्डले दाबी गरे । महिलाले अग्रसरता लिँदा इमान्दारीता, लगशिलता सुशासन तुलनात्मक रुपमा बढी देखियो । त्यही भएर बढी भन्दा बढी पालिका मेयर उपमेयर बनाउन सोचेको छु’ प्रचण्डले भने, ‘एक पटक मलाई इच्छा महिलालाई अलि बढी नै जिम्मेवारी दिएर हेरौं न भन्ने छ ।
