भरतपुर, बैशाख ४ । राप्रपा नेपाल चितवनका अध्यक्ष विष्णु खरालको घरमा शनिबार राति अज्ञात समुहले तोडफोड गरेको छ । तोडफोडबाट खरालको भरतपुर महानगरपालिका वडा नम्बर ५ स्थित निवासमा झ्यालका सिसाहरु फुटेका छन् ।
घटनाको तत्काल छानबिन गरी दोषी माथि कडा कारबाही गर्न राप्रपा नेपालले माग गरेको छ । पार्टीले आक्रमणको घोर भत्सर्ना र निन्दा गरेको छ । घटनाको अनुसन्धान सुरु भएको जिल्ला प्रहरी कार्यालय चितवनका प्रवक्ता एवं डिएसपी नरहरि अधिकारीले जानकारी दिए ।
