काठमाडौं । नायिका केकी अधिकारी विवाह बन्धनमा बाँधिन लागेकी छन् । व्यवसायी रोहित तिवारीसँग उनले भाेलि एउटा सानो जमघटमा लगनगाँठो कस्ने भएकी हुन् ।
केकी र रोहित केही समयदेखि प्रेममा थिए । तर, आफूहरूबिचको अफेयरलाई सार्वजनिक गरेका थिएनन् । उनीहरूको विवाहबारे केकी निकटका कलाकारहरूलाई पनि पत्तो छैन।
केकीका श्रीमान् रोहित हाम्रो बजार डटकमका सीइओ तथा फुडमारियोका सह संस्थापक र सीइओ हुन् । केकीका सीमित साथीहरूलाई उनीहरूको सम्बन्धबारे थाहा थियो । विवाहअघि हिजो मेहेन्दी समाराेह भएकाे थियाे, जसमा परिवारका सदस्य र केही साथीहरू उपस्थित थिए ।
कसैलाई थाहा नदिई सुटुक्क बिहे गर्ने केकीको पहिलेकै योजना थियो । बिहे आजै हुने पनि स्रोतले बतायो |
