नेपाली कांग्रेसको तर्फबाट भरतपुर महानगरपालिकाका बागी उम्मेदवारहरुले चार तारे झन्डा र रुख चिन्ह प्रयोग गरेको प्रति आपत्ति जनाएको छ। आज जिल्ला सभापति राजेश्वर खनालले एक भिडियो जारी गर्दै आचारसंहिता विपरीत कांग्रेसको झण्डा प्रयोग गर्नु दुरुपयोग हो र नेपाली कांग्रेसको सदस्यता लिएकाहरु बागी उम्मेदवारको प्रचार गर्नु पार्टी हित विपरीत रहेको बताउनुभएको छ।
भरतपुर महानगरपालिका अन्तर्गत मेयरको प्रत्यासीमा नेपाली कांग्रेसका जगन्नाथ पौडेलले बागी उम्मेद्वारी दिएका थिए। गठबन्धनको तर्फबाट रेनु दाहाल मेयरको उम्मेदवार भएकोले गठबन्धनको विषयमा केन्द्रिय निर्णयनै अन्तिम हुने आज एक विज्ञप्ति जारी गर्दै बताएको थियो। पौडेलका समर्थकहरुले आज एक कार्यक्रममा कांग्रेसको चारतारे झण्डा बोकेर समर्थन गरेका थिए। भरतपुर महानगरका प्रत्यासी पौडेललाई निर्वाचन आयोगले भुँईकटर चिन्ह प्रदान गरेको थियो।
