निर्वाचन सुरक्षा तथा आचार संहिता सम्बन्धि नागरिक सुनुवाई कार्यक्रम जिल्ला प्रहरी कार्यालय चितवन प्रमुख प्रहरी उपरीक्षक नवराज अधिकारी ज्युको प्रमुख आतिथ्यतामा सम्पन्न भएको छ।
भरतपुर महानगरपालिका वडा नं १५ मंगलपुर स्थित अतिथि पार्टी प्यालेसमा समुदाय प्रहरी साझेदारी (Community Police Partnership), “हरप्रहर गाउँ र नगरी, टोल टोलमा नेपाल प्रहरी” भन्ने नारामा आधारित रहि उक्त कार्यक्रमको इलाका प्रहरी कार्यालय फुलवारीको आयोजना गरेको थियो।

विभिन्न संघ संस्थामा आवद्ध व्यक्त्तित्वहरुको सहभगितामा विभिन्न अपराधिक घटनाहरु, सवारी दुर्घटना र सम्भावित अन्य घटनाहरु न्यनिकरण, निर्वाचन आचार संहिता कार्यन्वयनको अवस्थामा स्थानिय स्तरमा प्रहरीबाट सम्पादन भएका कार्यहरु प्रति नागरिकहरुको प्रतिक्रिया, गुनासोहरु ,प्रहरी प्रतिको अपेक्षा लगायत अपराध सहित समाज निर्माणको लागी अपनाउनु पर्ने उपायहरु समेतको बिषयमा चितवन जिल्ला प्रहरी प्रमुख अधिकारीले अन्तरक्रिया गर्नुभएको थियो।

कार्यक्रममा विजयराज भुषाल (नेपाली काङ्ग्रेस), आकाश थापा (नेकपा माओवादी), देवेन्द्र केसी (स्वतन्त्र उम्मेदवार भ म न पा – १५ ), विशेश्वर न्यौपाने (नेकपा एमाले), सिर्जना अधिकारी (नेपाली काङ्ग्रेस) लगायत दर्जनौंको संख्यामा उपस्थित नागरिकहरुले निर्वाचन सुरक्षा एवम् आचार संहिता सम्बन्धि जिज्ञासा राखेका थिए। कार्यक्रममा प्रत्येक नागरिकबाट उठेका जिज्ञासाका सम्बन्धमा चितवन जिल्ला प्रहरी कार्यालय प्रमुख नवराज अधिकारीले जिज्ञासालाई मेटाउनु भएको थियो।  निर्वाचनको पूर्वसन्ध्यामा घट्नसक्ने सम्भावित घटनाहरुको रोकथामका लागि प्रमुख जिल्ला अधिकारीको नेतृत्वमा रहेको एकीकृत सुरक्षा योजना अनुरुप नेपाल प्रहरी, म्यादी प्रहरी, सशस्त्र प्रहरी, नेपाली सेनाको संलग्नतामा शान्ति सु-व्यवस्था कायम गर्नेगरि कार्य भएको उहाँले बताउनुभयो। निर्वाचनको अवधिभर गरिने कार्यक्रमहरुको सूचना नेपाल प्रहरीलाई दिई सम्भावित घटनाहरुको न्यूनीकरण गर्नका लागि पनि अनुरोध गर्नुभयो।

जनताको सुरक्षामा नेपाल प्रहरी पूर्ण रुपमा जिम्मेवारी रहेको बताउँदै निर्धक्कसंग निर्वाचन प्रक्रियामा सहभागी हुन् प्रहरी उपरीक्षक अधिकारीले आह्वान गर्नुभएको छ।