चितवन, वैशाख-२१: प्रधानमन्त्री एवं नेपाली कांग्रेसका सभापति शेरबहादुर देउवा चितवन आइपुगेका छन् । उनी नेपाली सेनाको जहाज मार्फत अपरान्ह ५ः३० बजे भरतपुर विमानस्थलमा ओर्लिएका हुन् ।
पाँच दलीय गठबन्धनले भोलि विहान भरतपुरस्थित केन्द्रीय बस टर्मिनलमा आयोजना गरेको चुनावी आमसभालाई सम्बोधन गर्न सभापति देउवा आज चितवन आइपुगेका हुन् । सभापति देउवाले निर्वाचन आचारसंहितलाई ख्याल गर्दै चितवन आइपुगेका हुन् ।
उनले चितवनमा निजी गाडीमा सवार भएका छन् । विमानस्थलबाट बा ३ च २०४० नम्बरको गाडीमा सवार भएर देउवा होटल सिराइचुली पुगेका छन् ।
