चितवन,बैशाख २२ :चितवनको भरतपुरमा पाँच दलीय गठबन्धनले आज जनसभा गर्न लागेको केन्द्रिय बसपार्क जलमग्न भएको छ । भरतपुरमा पानीको निकास हुने नालिको व्यवस्था नहुँदा एकझरको पानीले जलमग्न हुने गरेको छ ।
गयराती परेको पानीले कार्यक्रमस्थल डुवानमा परेको छ । गठबन्धनका शिर्ष नेताले सम्बोधन गर्ने कार्यक्रमस्थल नै डुवानमा परेपछि सामाजिक संजालमा चर्को आलोचना भएको छ । सभाका तयार पारिएको मञ्च र टेन्टहरु भएको ठाउँ पनि जलमग्न भएको छ भने झण्डा पनि हावाले उडाएर यत्रतत्र पुर्याएको छ ।
प्रधानमन्त्री तथा नेपाली काँग्रेसका सभापति शेरबहादुर देउवा,माओवादी केन्द्रका अध्यक्ष पुष्पकमल दाहाल प्रचण्ड,एकीकृत समाजवादीका अध्यक्ष माधवकुमार नेपाल लगायतले सम्बोधन गर्ने कार्यक्रम तय भएको छ । भरतपुरकी मेयर रेनु दाहालमो पक्षमा माहोल सृजना गर्न प्रधानमन्त्री देउवा हिजो नै भरतपुर आएका छन् । पानीले कार्यक्रमस्थल जलमग्न भएपछि अब सभा सोही स्थानमा गर्ने कि अन्यत्र गर्ने भन्नेबारे छलफल भइरहेको चितवन कांग्रेसले जनाएको छ ।
