उनले आफूले पहिला देखेको चितवन र अहिलेको चितवनमा फरेक देखेको बताए। उनले रेनुलाई ‘रेनु दाहाल’ नभन्ने भन्दै ‘दाहाल’ जोड्दा बुवाको नाम आउँछ भने।

‘म कमरेड प्रचण्डलाई के भन्न चाहन्छु भने ढुक्क हुनुस् छोरी गजबको पाउनु भएको छ। तपाईँ पार्टीको अध्यक्षको हैसियतले चिन्तित हुनुहुन्छ भने त्यो स्वभाविक हो। तर, पिताको हैसियतले गौरवान्वित हुनुस्,’ उनले भने।

उनले पटक पटक कुनै राजनीतिक दलको सदस्यता नलिएको प्रष्ट पनि पारेका थिए।

‘चितवनका हरेक मानिसको दु:ख कष्टलाई हरेक दिदीले तिहारमा ओखर फोडे जसरी फुटाइदिनुस् दिदी। चितवनलाई सप्तरंगी माला लगाइदिनुस् दिदी। सबै चितवन बासीलाई सुख मिलोस्। चितवनले भन्न पाओस् दिदी पाएँ। तपाईँलाई मेरो इस्ट, मेरो कुल, मेरो पितृको आशिष लागोस्।’

उनले गलत गरे त्यही पितृको श्राप लाग्ने भन्दै सन्दीप रेनुलाई सचेत पनि गराए।

‘यति भन्दा भन्दै म फेरि भन्छु म कुनै झण्डाको मान्छै होइन भाइ। म कुनै पार्टीको मान्छे होइन। तपाईँले गरेको कामबाट अलिकति प्रफुल्लित भएर आएको मान्छे हुँ। भोको मान्छे हुँ केही दिँदा खुशी लागेको मान्छे हुँ,’ उनले भने, ‘आशिष लगोस् भने। तर, फेरि सचेत गराउन चाहन्छु। यदि केही गलत गर्नुभयो भने – मेरै कुल मेरै इष्ट, मेरै पितृको श्राप पनि लाग्न सक्छ दिदी। त्यसकारण होसियार रहनुहोला। बहुत विश्वास गरेको छु। विश्वास कायम गरिदिनुहोला।’